"रततनलाल शिवाकोटी "ब्राह्मण" र नेपाली कम्युनिस्ट आन्दोलन"

"नेपाली कम्युनिस्ट आन्दोलन"का प्रेरणादायी व्यक्तित्व रतनलाल शिवाकोटी (ब्राह्मण) दाेलखा जिल्लाको सुनखानीमा जन्मेका गाेवर्धन शिवाकोटीका वंशज, श्रीलाल शिवाकोटीका माहिला छाेरा हुनुहुन्छ।

रतनलाल शिवाकोटीकै सल्लाह र परामर्शमा नेपालमा कम्युनिस्ट पार्टीको जन्म भएकाे तथ्य धेरै पटक प्रकट भइसकेको छ । स्वयं कमरेड पुष्पलालले पनि यस तथ्यकाे पुष्टि गरिसक्नुभएकाे छ । रतनलाल शिवाकोटीले नेपाल कम्युनिस्ट पार्टीको स्थापनामा रचनात्मक भुमिका निभाउदै महत्त्वपूर्ण याेगदान दिनुभएको थियोे र कमरेड पुष्पलाल, मनमाेहन अधिकारी लगायतका प्रमुख नेताहरूसँग उहाँको गहिरो सम्बन्ध समेत रहेकाे थियाे । पुस्तक प्रकाशन गर्ने मधुवन प्रकाशन र पुस्तक लेखक लाई विशेष धन्यवाद दिँदै सानो सुझाव समेत दिन चाहन्छु।

रतनलाल प्रथम नेपाली भाषी कम्युनिस्ट नेता हुन् भन्ने कुरामा कुनै दुईमत छैन। त्यसलाई थप पुष्टि स्वयं पुष्पलालले रतनलाल शिवाकोटी का बारेमा गरेका ऐतिहासिक कुराहरूबाट पनि प्रष्ट हुन सकिन्छ। साथै रतनलाल "ब्राह्मण" भन्नु भन्दा पनि रतनलाल शिवाकोटी नै हुन् ।

"ब्राह्मण" त स्थानीय समाजले दिएको उप नाम मात्र हो। त्यसकारण रतनलाल "ब्राह्मण" भन्नु भन्दा रतनलाल शिवाकोटी "ब्राह्मण " भन्नु तथ्य फरक अति उत्तम हुन्छ।